Dưi bi mklă klei găl ênoh mnơ̆ng dhơ̆ng kphê đĭ, akŏ thŭn 2023, Knơ̆ng bruă sang čư̆ êa čar Gia Lai mkŏ jing Anôk bruă gĭt gai Hdră bruă lông ngă mkŏ mjing krĭng pla mjing lŏ hma, dkiê kmrơ̆ng djăp hnơ̆ng čuăn ba čhĭ hlăm ala čar leh anăn ba čhĭ ti ala tač êngao ti čar Gia Lai wưng 2022-2025.

Hlăm anôk bi kƀĭn, Khua phŭn bruă Lê Minh Hoan kah mbha klei mrâo kơ ênoh kphê đĭ mơ̆ng bruă bi hgŭm čiăng mkŏ mjing anăn knăl mbĭt kơ kphê Gia Lai, mkŏ mjing leh anăn mđĭ kyar ênoh yuôm mrâo kơ kphê kyua klei bi mguôp hiu čhưn ênguê, mbruă hlue si klei arăng khăp blei, klei mưng yua, tui hriăm mơ̆ng klei mđĭ ênoh mnơ̆ng dhơ̆ng lŏ hma mơ̆ng dŭm ala čar riêng gah.