Msĕ si: Anôk kăp ksiêm Bình Đê ti êlan dơ̆ng prŏng mrô 1 (ƀuôn hgŭm Hoài Nhơn Bắc); anôk kăp ksiêm Song An ktuê êlan dơ̆ng prŏng mrô19 (ƀuôn hgŭm Cửu An); anôk kăp ksiêm Ia Khươl ktuê êlan dơ̆ng prŏng mrô 14 (ƀuôn hgŭm Ia Khươl) lehanăn anôk kăp ksiêm Ia Le ti êlan dơ̆ng prŏng mrô 14 (ƀuôn hgŭm Ia Le), gak răng nanao 24/24 h.

Hlăm grăp anôk kăp ksiêm, êpul bruă djŏ tuôm, bi mlih wir bi kiă răng mơ̆ng dŭm êpul bruă răng mgang mnơ̆ng rông, lehanăn kahan ksiêm êlan klông. Êpul kiă kriê bruă mnia mblei ăt mâo tiŏ nao. Anôk kăp ksiêm mâo bruă cuăn ksiêm dlăng kjăp klei dŭ mdiăng mnơ̆ng rông, lehanăn kđeh čĭm wăt mnơ̆ng mkra mjing mơ̆ng mnơ̆ng rông mŭt kbiă hlăm čar. Jih jang klei ngă soh srăng mghaih msir hŏng klei ktang. Mbĭt hŏng anăn krih êa drao mdjiê kman hlăm dŭm boh êdeh êdâo găn ti anôk kăp ksiêm, kñăm bi mdjiê jih kman klei ruă tưp./.