Năng mđing, leh 6 thŭn mđĭ kyar dŭm mta mnơ̆ng dhơ̆ng OCOP, truh gưl ksiêm dlăng anei, Dak Lak mrâo mâo 2 mta mnơ̆ng dhơ̆ng tal êlâo djăp hnơ̆ng čuăn ksiêm bi mklă OCOP 5 mtŭ (gưl ala čar), jing kphê mja Kiên Cường mơ̆ng Knơ̆ng bruă Kiên Cường, ƀuôn prŏng Ƀuôn Ama Thuôt leh anăn asăr Măkka Dak Lakjăk mơ̆ng Knơ̆ng bruă Damaca Nguyên Phương, kdriêk Krông Năng.

Anei jing dŭm mta mnơ̆ng dhơ̆ng tal êlâo mơ̆ng čar Dak Lak ba ksiêm dlăng bi mklă mnơ̆ng dhơ̆ng OCOP gưl ala čar thŭn anei, bi êdah klei gĭr mơ̆ng čar hlăm bruă mđĭ ênoh yuôm leh anăn hưn mdah mnơ̆ng dhơ̆ng OCOP hŏng lu anôk ba čhĭ hlăm ala čar leh anăn ala tač êngao. Mơ̆ng êbeh 6 thŭn ngă Hdră grăp să sa mta mnơ̆ng dhơ̆ng mguôp hŏng mkŏ mkra krĭng ƀuôn sang mrâo, truh ară anei, čar Dak Lak mâo 237 mta mnơ̆ng dhơ̆ng OCOP. Thŭn 2024, Êpul gơ̆ng OCOP gưl čar srăng ksiêm dlăng, mbha gưl kơ 44 mta mnơ̆ng mâo klei găl 4 mtŭ kơ alŭ wăl akâo./.