Knơ̆ng bruă sang čư̆ êa kdriêk Phú Thiện mâo leh hră mơar akâo kơ Knơ̆ng bruă sang čư̆ êa čar Gia Lai iêô mthưr dŭm anôk bruă hrui blei hbei tao đru kơ mnuih ƀuôn sang găn klei dleh dlan. Ti kdriêk Phú Thiện, ară anei mâo êbeh 3.440ha, hnơ̆ng đăo tĭng hlăm brô 68.800 ton, hrui pĕ leh hlăm brô 60% ênhă.

Mơ̆ng akŏ thŭn truh ară anei, ênoh hbei tao trŭn snăk.  Mơ̆ng hnơ̆ng 10 êbâo prăk/kg, ênoh hrŏ adôk 3.500 prăk/kg. Ênoh êlưih, anôk bruă duh mkra hrui blei ƀiă ngă kơ ƀĭng lŏ hma dleh dlan. Knhal jih thŭn dih, Adŭ bruă lŏ hma leh anăn mđĭ kyar krĭng ƀuôn sang kdriêk Phú Thiện ksiêm dlăng leh anăn ƀuh ênhă pla hbei tao ti alŭ wăl đĭ lu hĭn yan pla thŭn êlâo hlăm brô 1 êbâo ha, leh anăn mtă brei răng kơ bruă pŏk mlar ênhă ƀiădah amâo mâo anôk ba chĭ hơĭt kjăp ôh ngă kơ phung pla mjing luč liê hlăk mŭt hlăm yan hrui mă./.