Kluôm ala ară anei mâo 2 krĭng pla sâm mâo ênoh yuôm jing krĭng sâm Ngọc Linh pla ti dŭm čar: Quảng Nam, Kon Tum leh anăn krĭng pla sâm Lai Châu ti Lai Châu. Hlăm anăn, sâm Ngọc Linh mâo hnơ̆ng saponin lu hĭn hŏng sâm hing ang dlông rŏng lăn… Phung bi ala lač, boh klei čhĭ mnia sâm soh hŏng hdră bhiăn hŏng hnơ̆ng lu, mgưt sâm Việt Nam hlăm wưng êgao ngă leh, leh anăn dôk hmăi kjham kơ phung pla sâm hlăm ala čar leh anăn anăn knăl sâm Việt Nam…

Hlăm anôk ba čhĭ ară anei, ênoh sâm Ngọc Linh mta 1 đĭ truh êbeh 300 êklăk prăk/kg; sâm Lai Châu êbeh 120 êklăk prăk/kg. Hlăm boh sĭt, dŭm anôk bruă djŏ tuôm mâo leh lu blư̆ ƀuh klei blei sâm soh hŏng hdră bhiăn mơ̆ng China kơ Việt Nam, mgưt sâm Ngọc Linh, sâm Lai Châu čhĭ hŏng ênoh êlưih hĭn dŭm pluh blư̆. Phung bi ala lač, brei msir mgaih bi djŏ phung ngă soh, ktuê dlăng kjăp hĭn phŭn agha sâm leh anăn mđĭ klei hâo hưn, mtô mblang kơ mnuih ƀuôn sang yua sâm Việt nam djŏ leh anăn jăk.