Jao 100.000 êbâo phŭn hngô mjeh kơ 200 gŏ sang mnuih Sêdang ƀun ƀin
Thứ năm, 14:17, 28/03/2024
VOV Tây Nguyên
VOV Tây Nguyên
VOV4.Êđê- Ƀri gưl wĭt kơ phŭn, hruê mbruê 27/3, anôk bi hriăm mmuñ, Anôk bruă mtô klei kdŏ mmuñ ala čar Việt Nam bi mguôp hŏng bruă sang čư êa kdriêk Tu Mơ Rông, čar Kon Tum mkŏ mjing knăm jao 100.000 phŭn hngô mjeh 2 thŭn kơ 200 gŏ sang mnuih Sêdang ƀun ƀin ti kdriêk.
Klei mđup brei 100.000 phŭn hngô mjeh anei dưi mkŏ mjing ti alŭ Mô Pả, să Đăk Hà. Mjeh hngô anei dưi mđup brei kơ 200 gŏ sang mnuih Sêdang ƀun ƀin ti 4 să Măng Ri, Tê Xăng, Đăk Hà leh anăn Tu Mơ Rông ti kdriêk Tu Mơ Rông.
Kyua dôk hlăm yan bhang, ti anăp sang rah mjeh srăng ngă bruă kriê dlăng jih jang ênoh mjeh hngô anei, truh kơ yan hjan srăng jao kơ dŭm gŏ sang pla ti ênhă čŏng čư̆ kla. Wưng anei, Êpul kriê dlăng dliê knŭk kna mkuôm Tu Mơ Rông leh anăn sa gŏ sang ti să Đăk hà ăt mđup brei kơ kdriêk Tu Mơ Rông 21.000 phŭn hngô mjeh čiăng pla ti wăl krah kdriêk leh anăn ktuê êlan mlir să, alŭ ƀuôn ƀri hruê wăl hdĭp mda tar rŏng lăn thŭn 2024.
Viết bình luận