Ară anei, Dak Lak mâo truh 42 êbâo ha ênhă ênao êa rông kan hdang, mâo êbeh 700 knơ̆ng êa hŏng hlăm brô 32 êbâo ha êlah êa. Anei jing klei găl kơ čar Dak Lak ba yua, mđĭ kyar bruă rông kan hdang. Ƀiădah hlăm klă sĭt, čar anei mrâo mâo mă 15.000ha dưi ba yua rông kan hdang, knŏng mâo mă 30% ênhă rông kan hdang.

Hluê si Trịnh Bá Sơn, khua kiă kriê anôk bruă rông kan hdang čar Dak Lak, Phŭn agha truh klei anei sa kdrêč kyua ka mâo klei mtô klă kơ bruă brei mưn ênao êa, sa kdrêč kyua dŭm klei čuăn hlăm hdră mtrŭn 67 êjai bi klă mmông brei mưn dŭm ênao êa rông kan hdang knŏng 3 thŭn.