Hluê si klei hưn mơ̆ng Phŭn bruă Ngăn dŏ lehanăn wăl hdĭp mda, Klei čih mkra Hdră bhiăn lăn ala lehanăn mnơ̆ng yuôm hlăm gŭ lăn dưi bi êdah djăp ênŭm klei mĭn mơ̆ng Đảng, Knŭk kna kơ hdră kriê dlăng ngăn dŏ lehanăn răng mgang wăl hdĭp mda, tă hdră êlan phŭn hlăm bruă lăn ala, mnơ̆ng yuôm hlăm gŭ lăn lehanăn bruă tuh tia mkra mjing mnơ̆ng yuôm hlăm gŭ lăn truh thŭn 2030, hnơ̆ng trah dlăng truh kơ thŭn 2045.

Klah čŭn ti knăm anei, K’iăng khua knŭk kna Trần Hồng Hà Mtă: Hlăm bruă čih mklra hdră bhiăn anei, brei bơ̆k bâo kơ hdră kuai mă, mkra, čhĭ, čiăng mơ̆ng anăn dưi bi mklă klei đua klam mơ̆ng grăp phŭn, dhar bruă. Hŏng klei kčah mtrŭn hrui prăk tăk bi mklă klei dưi, K’iăng khua knŭk kna jao kơ Phŭn bruă Ngăn dŏ wăl hdĭp mda bi hgŭm hŏng Phŭn bruă Ngăn prăk bi leh hdră kčah kñăm ba wĭt boh tŭ dưn, brei mđing dlăng kơ wăl anôk ngă bruă tar rŏng lăn čiăng mâo hdră ngă bruă, kuai mă mnơ̆ng yuôm hlăm gŭ lăn djŏ guôm, mơ̆ng anăn mâo hdră hrui prăk tăk mkăp klei dưi. Hŏng dŭm mta mnơ̆ng yuôm bhăn mkăn hlăm gŭ lăn brei mâo klei ksiêm dlăng snăn Knŭk kna srăng mâo hdră kčah klă klơ̆ng mkăn./.