Knăm anei mâo Phŭn bruă Lŏ hma mđĭ kyar krĭng ƀuôn sang, Hdră “Klei doh êƀăt mnơ̆ng dhơ̆ng kyua klei đĭ kyar” (SAFEGRO) lehanăn Anôk kiă kriê klei hâo hưn gưl dlông bi hgŭm mkŏ mjing, mâo giăm 200 čô bi ala mơ̆ng dŭm anôk bruă, êpul gưl dlông lehanăn dŭm čar, ƀuôn prŏng, phung thơ̆ng kơ bruă mơ̆ng ala tač êngao nao hgŭm.

Knăm anei bi trông kơ pŏk rup kluôm mơ̆ng hdră mtô mjuăt, mtô mblang, dhar kreh klei doh êƀăt mnơ̆ng dhơ̆ng Việt Nam lehanăn tar rŏng lăn, mđĭ hdră msir ngă bruă hlăm hdră bruă anei. Blŭ ti knăm anei, Bùi Ngọc Quý, Khua knơ̆ng ksiêm dlăng Bruă yang ƀuôn, Anôk bruă kiă kriê klei hâo hưn gưl dlông brei thâo: Klei kƀĭn trông srăng đru mđĭ klei thâo săng, knhuah mă bruă, bi mlih hdră ngă kñăm mjing dhar kreh kơ klei doh êƀăt mnơ̆ng dhơ̆ng hlăm hdră pla mjing, mnia mblei, blei yua mnơ̆ng dhơ̆ng. Hdră doh êƀăt mnơ̆ng dhơ̆ng kyua klei đĭ kyar mâo Knŭk kna Canada đru truh 15 êklăk đô la Canada.