Anei jing klei hưn hlăm klei kƀĭn grăp tuôr mơ̆ng bruă sang čư êa čar Dak Lak mkŏ mjing aguah mbruê 16/7. Khădah dưi mâo dŭm boh tŭ dưn jăk, ƀiadah hnơ̆ng đĭ kyar bruă duh mkra mơ̆ng čar Dak Lak hlăm 6 mlan akŏ thŭn ka mâo msĕ hŏng hdră kčah, hnư hrui wĭt prăk yua lăn mâo ƀiă, hmăi truh kơ bruă hluê ngă dŭm hdră êlan duh bi liê knŭk kna hŏng ngăn prăk mơ̆ng čar. Bruă mkra mjing mnia mblei mơ̆ng knơ̆ng bruă tuôm hŏng lu klei dleh dlan, ênoh knơ̆ng bruă kruh rai leh anăm mdei ngă bruă đĭ lu mkă hŏng wưng thŭn 2023.

Nguyễn Tuấn Hà, k’iăng khua bruă sang čư êa čar Dak Lak lač, hlăm 6 mlan knhal jih thŭn, čar bi klă srăng tuôm hŏng lu klei dleh dlan êjai dŭm knơ̆ng bruă krŭ wĭt êmưt, klei truh yan adiê, klei ruă tưp dleh ksiêm dlăng čiăng kơ dŭm gưl bruă čiăng gĭr kơh dưi mâo dŭm mta kñăm mđĭ kyar bruă duh mkra ala ƀuôn mơ̆ng kluôm thŭn 2024.