Čiăng mđĭ kyar kjăp, Phŭn bruă lŏ hma leh anăn mđĭ kyar krĭng ƀuôn sang bi klă leh hdră mđĭ kyar ana ƀơ̆ng boh phŭn truh ti thŭn 2025 leh anăn 2030. Hlăm anăn gĭr truh ti thŭn 2025 kluôm lăn čar mâo 1 êklăk 200 êbâo ha ana ƀơ̆ng boh, hnơ̆ng mâo 14 êklăk tôn. 30% ênhă pla mjing dưn yua hdră pla mjing bruă lŏ hma jăk, ênoh mnia mblei mâo 5 êklai dolar Mi.

Klei kƀĭn dưi hlăk mblang, ba mdah dŭm hdră êlan, hdră tă hŏng bruă mđĭ kyar boh durian leh anăn kruê hruê̆ hlăm wưng kơ anăp nao mbĭt hŏng anôk mnia blei hlăm lăn čar, hlăm alŭ wăl leh anăn tar rŏng lăn. Bi hŏng dŭm knơ̆ng bruă mnia mblei, Anôk bruă ksiêm duah leh anăn dŭm alŭ wăl krĭng Dhŭng čiăng ngă bruă bi mguôp krĭp mđĭ kyar ana ƀơ̆ng boh. Ksiêm dlăng mjeh, amâo mâo lui kơ ƀĭng ngă lŏ hma, pô pla mjing tŭ klei hmăi. Anôk bruă pla mjing ăt mtă kơ klei pŏk phai hmar ênhă pla mjing boh kruê̆ hruê̆ leh anăn durian, mâo klei arưp aram hmăi kơ hdră êlan duh mkra pla mjing, hdră mkŏ wĭt bruă lŏ hma ti alŭ wăl. Đa đa truh kơ klei ƀĭng ngă lŏ hma koh lui hĕ dŭm mta ana pla mjing mkăn msĕ si kphê, tiu…hrô kơnăn jing durian, kruê̆ hruê̆.