Aguah mbruê, Knơ̆ng bruă kreh knhâo leh anăn mrâo mrang čar Kon Tum mkŏ mjing hdră mđup brei klei bi klă hră tŭ yap klei dưi yua klei ktrâo anôk “Ngọc Linh” kơ sâm hbei mơ̆ng 2 knơ̆ng bruă ti alŭ wăl čar. Anei jing gưl tal êlâo čar Kon Tum mkăp brei hră tŭ yap klei dưi yua klei ktrâo anôk anei hŏng Sâm hbei Ngọc Linh. Hluê anăn Knơ̆ng bruă duh mkra pla mjing sâm Ngọc Linh Kon Tum dưi bi klă klei dưi yua klei ktrâo anôk “Ngọc Linh” kơ 10.000 sâm hbei êbeh 10 thŭn.

Anôk pla mjing sâm Ngọc Linh mơ̆ng knơ̆ng bruă anei ti čuê 3, anôk 2, wăl 220 hlăm să Măng Ri, kdriêk Tu Mơ Rông. Bi hŏng knơ̆ng bruă duh mkra pla mjing sâm Ngọc Linh Tu Mơ Rông Kon Tum, knơ̆ng bruă kreh knhâo leh anăn mrâo mrang čar Kon Tum mkăp brei hră tŭ yap klei dưi yua klei ktrâo anôk “Ngọc Linh” kơ 2.200 mnơ̆ng dhơ̆ng sâm hbei êbeh 6 thŭn. Anôk pla mjing sâm Ngọc Linh ti čuê 17, anôk 5, wăl 227, alŭ Moza, să Ngọc Lây, kdriêk Tu Mơ Rông.