Nao hlăm adŭ hriăm mjuăt, dŭm êtuh čô mnuih mă bruă djuê ƀiă Sêdang ti dŭm să, msĕ si Ngọc Lây, Măng Ri…kdriêk Tu Mơ Rông; Mường Hoong, Ngọc Linh ti kdriêk Đăk Glei srăng dưi mprăp klei thâo mơ̆ng hdră mjut mjing, pla, kriê dlăng, răng mgang truh kơ hrui mă sâm sâm Ngọc Linh.

Kỹ sư Nguyễn Tài Lương,  Knơ̆ng bruă pla mjing leh anăn răng mgang mnơ̆ng pla mjing čar Kon Tum brei thâo, mbĭt hŏng hdră pla mjing, kriê dlăng, mnuih ƀuôn sang ăt dưi mprăp klei thâo kơ hdră gang mkhư̆ hluăt ƀơ̆ng mnơ̆ng ngă čiăng sâm Ngọc Linh dưi mâo hnơ̆ng jăk. Hlăm dŭm thŭn êgao bruă pla Sâm Ngọc Linh đru lu gŏ sang mnuih djuê ƀiă Sêdang ti 2 kdriêk Tu Mơ Rông, Đăk Glei , čar Kon Tum tlaih ƀun leh anăn gĭr ktưn kpưn đĭ kơ mdrŏng. Truh ară anei čar Kon Tum pla leh êbeh 1.700 ha Sâm Ngọc Linh./.