Truh ară anei ênhă ana boh kroh čar Kon Tum mâo êbeh 14.000 ha, đĭ êbẹ 10.500 ha mkă hŏng thŭn 2020. Snăn čar Kon Tum truh leh ti hnơ̆ng kčah hnưm hĭn 1 thŭn leh anăn êbeh 4000 ha mkă hŏng hdră kñăm kčah truh thŭn 2025.

Čiăng kơ grăp thŭn đĭ kyar hlăm brô 3000 ha ana boh kroh, 3 thŭn êgao, čar Kon Tum mđĭ ktang bruă kčĕ, hmao đru kơ mjeh, prăk bi liê, hdră mnêč kơ ƀĭng lŏ hma. Mbĭt anăn hlue ngă tŭ dưn hdră mkra mđĭ đang pla mjing ana boh kroh, bih nik ti krĭng mnuih djuê ƀiă. Truh ară anei, čar Kon Tum ăt mkŏ mjing leh 25 mrô krĭng pla, hlăm anăn mâo 18 mrô krĭng pla mjing ba čhĭ kơ ala tač êngao leh anăn 7 mrô ba čhĭ hlăm ala čar hŏng ênhă giăm 400 ana boh kroh.