Hlue anăn hlăm yan thŭn 2023-2024, čar Kon Tum pla thiăm giăm 900ha mđĭ hnơ̆ng kbâo ti čar truh 2.100ha, lu hĭn hlăm brô 130 ha mkă hŏng mta kñăm kčah leh. Ênhă pŏk mlar thiăm hlăm yan kơ anăp kƀĭn lu ti dŭm kdriêk: Kon Plông, Sa Thầy, Đăk Tô, Kon Braih, Đăk Hà leh anăn ƀuôn prŏng Kon Tum. 

Yan pla thŭn anei čar Kon Tum mâo êbeh 1.200 ha kbâo, kƀĭn lu ti ƀuôn prŏng Kon Tum hŏng giăm 1000ha, ênhă adôk ti dŭm kdriêk:  Đăk Tô, Sa Thầy, Kon Braih, Đăk Hà, Ia H’Drai leh anăn Kon Plông. Ară anei lu ênhă pla kbâo mơ̆ng ƀĭng ngă lŏ hma Kon Tum mâo Knơ̆ng bruă ƀêñ hra Kon Tum bi siñê klei bi hgŭm kuôl kă, đru duh bi liê mkra mjing leh anăn đru ênoh hrui blei rơ̆ng kơ mnuih ƀuôn sang mâo mnga. Hnơ̆ng kbâo kah knar mơ̆ng čar Kon Tum ară anei mâo hlăm brô 73 ton/ha leh anăn mâo lu krĭng kyua lăn jăk, kriê dlăng djŏ hdră hnơ̆ng kbâo mâo mơ̆ng 100-120ton/ha.