Hlăm ênoh anăn, mâo 9 mta mnơ̆ng dhơ̆ng 5 mtŭ leh anăn 92 mta mnơ̆ng dhơ̆ng mâo 4 mtŭ. Anei jing dŭm mnơ̆ng dhơ̆ng krĭng ƀuôn sang êdah êdi mơ̆ng dŭm knơ̆ng bruă, Êpul hgŭm bruă, leh anăn êpul bi mguôp ti čar. Čiăng mđĭ boh tŭ dưn hdră OCOP, mbĭt hŏng mđĭ klei đru kơ ƀĭng ngă lŏ hma mkra mjing hluê êlan hnơ̆ng tŭ jăk, ênoh mnơ̆ng dhơ̆ng, Lâm Đồng lŏ mtrŭt mđĭ dŭm klei mkŏ bruă mkra mjing, ba čhĭ mnơ̆ng dhơ̆ng plah wah mnuih ƀuôn sang leh anăn knơ̆ng bruă.

Êngao kơnăn, čar lŏ đru dŭm êklai prăk čiăng kđăm mkra hruh, QR code, mkŏ mjing leh anăn bi klă anăn knăl, đru kơ kdrăp yua, masin, dưi yua hdră mă bruă mrâo mrang, bi kluôm hdră mkra mjing, mko mjing klei mtô bi hriăm ai dưi kriê dlăng kơ dŭm êpul êya, grăp čô. Ară anei Lâm Đồng dôk lŏ dơ̆ng đru kơ dŭm knơ̆ng bruă, êpul bi mguôp leh anăn Êpul hgŭm bruă tui alŭ wăl kñăm mkŏ mjing dŭm klei găl čiăng êdi mđing truh kơ bruă tŭ yap thiăm dŭm pluh mta mnơ̆ng dhơ̆ng mâo ênŭm hnơ̆ng čuăn OCOP hlăm thŭn anei.