Adiê mđiă hlơr mbĭt hŏng klei adiê không huĭ srăng mâo klei pui ƀơ̆ng dliê ti Lâm Đồng. Anôk bruă sang čư̆ êa čar Lâm Đồng ba mtrŭn leh hră m’ar gĭt gai, mtă kơ Knơ̆ng bruă Lŏ hma lehanăn mđĭ kyar krĭng ƀuôn sang, Anôk bruă sang čư̆ êa dŭm kdriêk, ƀuôn prŏng hlăm čar gĭt gai Anôk bruă dliê kmrơ̆ng, dŭm êpul êya pô dliê, Anôk bruă sang čư̆ êa să lehanăn dŭm êpul djŏ tuôm hluê ngă kjăp hdră msir gang mkhư̆ klei pui ƀơ̆ng mâo bi mklă.

Hlăm anăn, mđing hluê ngă hdră “4 tinăn mtam” hlăm hdră gang mkhư̆ klei pui ƀơ̆ng dliê, mâo hdră rŏng djăp êpul mnuih mă bruă, kdrăp mnơ̆ng čiăng pral hmao thâo, msir mghaih tơdah mâo klei pui ƀơ̆ng dliê./.