Bi mklă kơ klei găl leh anăn hdră tă bi hgŭm plah wah 2 tĭng truh thŭn 2030, dŭm klei ksiêm hriăm hlăm klei bi trông lač kơ klei găl ăt msĕ mơh lu mta bi hgŭm, bi liê. Hlăm bruă lŏ hma, klei bi hgŭm plah wah 2 ala čar kƀĭn hlăm kdrăp mrâo kơ klei mđĭ kyar bruă mnơ̆ng dhơ̆ng hdĭp, mjeh djam tam, hdră mkra mjing mmao ƀơ̆ng, êa drao, mkra mjing mnơ̆ng ƀơ̆ng êđăp ênang, mđĭ kyar ana boh kroh, mđĭ kyar bruă lŏ hma, ba yua kdrăp mrâo mrang 4.0 hlăm bruă lŏ hma leh anăn mđĭ kyar bruă mnia blei mnơ̆ng dhơ̆ng lŏ hma jing klei găl kơ grăp ala čar.

Hlue si Phŭn bruă lŏ hma leh anăn mđĭ kyar krĭng ƀuôn sang Lê Minh Hoan, bi hgŭm bruă lŏ hma plah wah Việt Nam leh anăn Dhŭng Korea adôk lu mta čiăng mđĭ kyar. Dhŭng Korea jing ala čar mâo bruă lŏ hma mrâo mrang, mjeh ana pla mjing lu jơr, jing ala čar mâo klei găl ba yua kdrăp mrâo hlăm bruă mkra mjing mnơ̆ng dhơ̆ng lŏ hma Việt Nam čang hmăng bi hgŭm hlăm wưng kơ anăp./.