Mđĭ lar klei tŭ dưn mơ̆ng bruă mdrao mgŭn hlue knhuah djuê ana klei ruă mâo mta mmih hlăm êrah
Thứ sáu, 00:00, 17/11/2023
VOV TAYNGUYEN
VOV TAYNGUYEN
VOV4.Êđê- Aguah mbruê (16/11), phung khua Anôk bruă sang čư̆ êa čar Dak Lak bi blŭ hrăm hŏng giăm 350 čô knuă druh êpul, mnuih hgŭm, bi ala kơ êbeh 194 êbâo čô hgŭm hlăm êpul mơ̆ng kluôm čar ti “Klei kƀĭn bi blŭ hrăm plah wah khua anôk bruă sang čư̆ êa čar Dak Lak hiŏng ƀĭng mă bruă lŏ hma thŭn 2023”
Hŏng anăn “Mđĭ hnơ̆ng tŭ mnơ̆ng lŏ hma, bruă pla mjing – mnia mblei mnơ̆ng lŏ hma doh, răng mgang wăl hdĭp mda”, phung khua čar Dak Lak tŭ mă leh giăm 100 klei êmuh mơ̆ng ƀĭng ngă lŏ hma. Ti knăm anei, phung khua čar wĭt lač leh klă anăp 16 klei êmuh djŏ tuôm kơ hdră mđĭ kyar bruă lŏ hma ti alŭ wăl.
Anei jing thŭn tal 2, phung khua čar Dak Lak bi blŭ hrăm hŏng ƀĭng ngă lŏ hma čiăng mđing hmư̆, klei tŭ klei blŭ đru mguôp lehanăn ksiêm dlăng, bi mklă, gĭt gai dŭm anôk bruă djŏ tuôm pral ruh mtlaih klei dleh dlan, gun kpăk hlăm hdră ngă lŏ hma mơ̆ng alŭ wăl./.
Viết bình luận