. Mnuih ngă lŏ hma Gia Lai hlăk mŭt hlăm yan hrui êmiêt boh durian thŭn 2024. Kluôm čar ară anei mâo giăm 6.000ha đang boh durian, hlăm anăn ênhă mboh leh truh mkrah, lu ti dŭm kdriêk Chư Prông, Ia Grai, Đăk Đoa, Chư Sê lehanăn Chư Pưh. Čar mâo mkŏ mjing leh truh 16 mrô knăl krĭng pla mjing boh durian, lehanăn hlăk hlê mjing anôk truăn kơ bruă pla mjing kjăp.

Leh găn sa wưng thu krô amâo mâo djăp êa krih, ƀiădah hŏng hdră êlan duh bi liê kjăp, lehanăn mđing kơ bruă dlăng kriê wiê ênăk jăk, snăn mnuih pla mjing boh durian ară anei mâo ba wĭt leh boh tŭ dưn jăk. Nguyễn Thị Lý, sa čô mnuih hrui blei boh durian ti kdriêk Chư Păh, čar Gia Lai lač, thŭn anei ênoh mâo boh durian ti Gia Lai jing lu, lehanăn mâo hnơ̆ng jăk, snăn phung ghan mnia hrui blei jih. Hŏng ênoh ară anei bi mlih mơ̆ng 55.000 - 60.000 prăk/kg, bi boh durian Dona čhĭ mơ̆ng ênoh 65.000 - 70.000 prăk/kg.