Mơ̆ng ênoh 12.000 phŭn mjeh Khua knŭk kna Phạm Minh Chính mđup brei kơ dŭm gŏ sang ƀun ƀin, bruă sang čư êa kdriêk Tu Mơ Rông bi klă mbha, đru kơ 300 gŏ sang hlăm 23 alŭ ƀuôn hlăm 8 să hlăm kdriêk. Hlăm anăn, să Măng Ri dưi đru brei mjeh sâm Ngọc Linh lu hĭn hŏng 135 gŏ sang, ƀiă hĭn jing să Đăk Tơ kan hŏng 10 gŏ sang.

Êlâo kơ ngă bruă pla mjeh sâm Ngọc Linh, Anôk bruă mtrŭt mđĭ bruă lŏ hma kdriêk Tu Mơ Rông bi mguôp hŏng mnuih ƀuôn sang dŭm să leh anăn knơ̆ng bruă mkŏ mjing dŭm êpul pla sâm, mtô bi hriăm, ba jap hdră mnêč, mkăp brei ana mjeh, mnơ̆ng yua…leh anăn ktuê dlăng bruă pla sâm mơ̆ng mnuih ƀuôn sang ti alŭ wăl. Kdriêk Tu Mơ Rông ăt hmăng hmưi mơ̆ng 12.000 phŭn mjeh sâm ngọc linh Khua knŭk kna Phạm Minh Chính mđup brei, klei bi hmô gŏ sang ƀun pla mjing Sâm Ngọc Linh dưi bi lar krantg, jing boh kdrŭt čiăng kơ mnuih ƀuôn sang pŏk phai ênhă pla mjing ana êa drao yuôm anei.