Anei jing klei hưn dưi ba mdah ti Anôk bi kƀĭn pŏk Hdră “Pla mjing kphê h’ĭt kjăp djŏ guôp hŏng klei bi mlih yan adiê ti Việt Nam” mâo Knơ̆ng bruă Lŏ hma lehanăn mđĭ kyar krĭng ƀuôn sang čar Dak Lak bi hgŭm hŏng Êpul bruă mđĭ kyar Hà Lan SNV mkŏ mjing tlam hruê 6/3.

Hdră anei đru kơ čar Dak Lak êbeh 18 êklai prăk. Wưng hluê ngă mơ̆ng mlan 1/2024 - 10/2028, ti dŭm krĭng pla kphê dleh dlan mơ̆ng čar. Mta kñăm mơ̆ng hdră anei jing mjing hdră duh ƀơ̆ng kơ 8 êbâo gŏ sang ngă lŏ hma dôk dleh dlan kơ êa krih lehanăn ka tuôm nao hgŭm hlăm hdră mjuăt bi hriăm kơ hdră pla, mơ̆ng anăn mđĭ klei thâo săng hlăm bruă ba yua êa djŏ guôp, klei lu jơr mnơ̆ng dhơ̆ng, răng mgang klei suaih pral mnuih mă bruă, bi hrŏ klei ba yua êa drao răng mgang mnơ̆ng pla mjing, mđĭ boh tŭ bruă kriê dlăng ngăn prăk gŏ sang mă bruă lŏ hma hluê hdră bi hrŏ êwa jhat, djŏ guôp hŏng klei bi mlih yan adiê./.