Tui si êpul mkŏ mjing, klei bi lông gưl tal êlâo mâo mjưh ruĕ tlam hrue 25/3, mâo leh truh 145 mta kphê, mơ̆ng djăp kwar kluôm ala ba bi lông, jing đĭn hĭn truh 61 mta kphê mkă hŏng thŭn 2023, jing knar giăm 74%. Ară anei êpul mkŏ mjing hlăk čhuang hlăm bruă mprăp kơ gưl ƀi lông knhal tuič, hŏng bruă ksiêk mbha lehanăn dăp mrô knăl mta kphê ba bi lông.

Klei bi lông knhal tuič srăng mkŏ mjing mơ̆ng hrue 26 - 27/4 tinăp lehanăn boh tŭ dưn srăng bi êdah êdei kơ anăn sa hrue, mbĭt hŏng klei jao hră tŭ yap, đĭng jô kriê pioh mơ̆ng êpuln lehanăn hră mpŭ mni mơ̆ng knơ̆ng bruă sang čư̆ êa čar Daklak. Lê Đức Huy, Khua knơ̆ng bruă čhĭ mnia kphê hŏng ala tač êngao hrue 2/9 čar daklak lač, phung duh mkra hlăk sa ai hŏng klei bi duh mkra mnia mblei kphê jăk Việt Nam, dŭm ênoh kphê dôk hlăm Top 10 mơ̆ng klei bi lông thŭn anei, srăng bi bi lông ti Hà Nội.