K’iăng khua lăn čar Võ Thị Ánh Xuân mñă, Việt Nam dlăng Mi jing ƀĭng hgŭm yuôm bhăn lehanăn čang hmăng mbĭt hŏng Mi pŏk ngă kjăp Klei bi mjĕ ƀĭng hgŭm phŭn kluôm dhuôm lehanăn dŭm klei kuôl kă mŏng phung khua kiă kriê dua ala čar dưi mâo hlăm gưl hiu čhưn ti Việt Nam mŏng Khua mil čhil Joe Biden mlan 9/2023, hlăm anăn mâo hdră bi hgŭm bruă lŏ hma lehanăn mnia mblei mnơ̆ng lŏ hma jing klei mđing tal êlâo.

K’iăng khua lăn čar Võ Thị Ánh Xuân akâo kơ Mi đru mđing dlăng, kah mbha klei thâo lehanăn mđĭ hdră bi hgŭm hlăm hdră kdrăp mrâo bruă lŏ hma, đru kơ Việt Nam bi mlih bruă lŏ hma tŭ jing, lui dŭm hdră msir mkhư̆ bruă mnia mblei lehanăn klei dleh kpăk hŏng mnơ̆ng lŏ hma Việt Nam mbĭt anăn đru kơ hdră kdrăp, đru kơ mnơ̆ng lŏ hma Việt Nam dưi mâo djăp hnơ̆ng čuăn mơ̆ng wăl anôk mnia mblei Mi./.