Ti Cần Thơ, hlăm aguah hruê 3/11, Êpul hgŭm Mnơ̆ng ƀơ̆ng huă Việt Nam lehanăn BizLIVE bi hgŭm mkŏ mjing Klei bi kƀĭn trông grăp thŭn “Hdră msir mđĭ boh tŭ yuôm mdiê braih Việt Nam”. Klei bi kƀĭn trông dưi mkŏ mjing hlăk wăl anôk ba čhĭ mdiê braih Việt nam dôk găn lu klei amâo h’ĭt. Hlăm lu mlan êgao, ênoh čhĭ mdiê braih đĭ nanao.

Hluê si klei đăo tĭng mơ̆ng Phŭn bruă tuh tia mnia mblei, hlăm mlan 10 êgao, hdră ba čhĭ braih kơ ala tač êngao mâo 700 êbâo ton, bi knar 433 êklăk USD. 10 mlan thŭn anei, Việt Nam ba čhĭ hlăm brô 7,1 êklăk ton braih mâo giăm 4 êklai USD, đĭ 17% kơ hnơ̆ng lehanăn đĭ 35% kơ ênoh mkă hŏng thŭn 2022. Đăo tĭng wăl anôk čhĭ mdiê braih kơ ala tač êngao hlăm thŭn 2024 năng ai srăng mâo 8 êklăk ton. Ti anôk bi kƀĭn trông, phung thơ̆ng kơ bruă lehanăn bi ala anôk bruă duh mkra mâo leh klei bi trông kơ hdră kdrăp lehanăn prăk duh kơ anôk bruă mdiê braih čiăng dưi mđĭ boh tŭ yuôm mnơ̆ng lŏ hma./.