Việt Nam pral lehanăn mprăp djăp klei găl čiăng hluê ngă Klei kčah mtrŭn bruă kriê dlăng klei blei lehanăn ba čhĭ kơ ala tač êngao dŭm mta mnơ̆ng amâo ngă luič dliê,toh hroh lăn dliê mơ̆ng Êpul hgŭm Ơrôp, pia klah čŭn jing Klei kčah mtrŭn gang mkhư̆ klei bi rai dliê.  Anei jing klei bi mklă mơ̆ng Pô ngă bruă bi ala Êpul hgŭm ơrôp ti Việt Nam ti anôk bi kƀĭn trông “Bi trông hdră ngă bruă hlăm Klei kčah mtrŭn gang mkhư̆ klei bi rai dliê lehanăn dŭm hdră mkăp mnơ̆ng amâo ngă rai dliê, toh hroh lăn dliê ti Việt Nam, mkŏ mjing hruê 12/7, ti Dak Lak.

Klei kƀĭn trông mâo Khua phŭn bruă Lŏ hma mđĭ kyar krĭng ƀuôn sang bi hgŭm hŏng Êpul ngă bruă mơ̆ng Êpul hgŭm Ơrôp ti Việt Nammkŏ mjing. Anei jing sa hlăm dŭm hdră bi êdah klei gĭr mơ̆ng Việt Nam hlăm hdră mđing truh kơ bruă pla mjing, blei yua mtah h’ĭt kjăp. Ti knăm anei, bi ala Êpul hgŭm ơrôp ti Việt Nam, dŭm êpul bi hgŭm lu ala čar, dŭm phŭn, dhar bruă gưl dlông, phung khua 5 čar Lăn dap kngư mâo Dak Lak, Lâm Đồng, Gia Lai, Dak Nông,Kon Tum mbĭt hŏng bi ala dŭm êpul hgŭm anôk bruă kphê, ksu, kyâo, dŭm mta mnơ̆ng mkra mơ̆ng kyâo bi trông leh kơ hdră hluê ngă, hdră msir hluê ngă klei kčah mtrŭn gang mkhư̆ klei bi rai dliê lehanăn hdră bruă mkăp mnơ̆ng amâo ngă rai dliê, toh hroh lăn dliê ti Việt Nam./.