VOV4.Êđê- Hlăm dua hrue 4 lehanăn 5/10, ƀuôn prŏng Ƀuôn Ama Thuôt, čar Daklak lŏ mâo 9 čô mnuih djŏ klei ruă tưp Covid 19, ka thâo bĭt ôh mơ̆ng tưp djŏ. Hlăm 9 čô mnuih ruă anei leh mkă dlăng pral mâo kman sar CoV 2, mâo 3 čô ti ƀuôn hgŭm Tân An, dŭm adôk jing ti să Hoà Thuận. Klei năng mđing hĭn êdi jing 3 čô anăn hlăm sa boh sang ti alŭ mrô 4, să Hoà Thuận grăp hrue kreh bi tuôm hŏng lu mnuih, lehanăn đuĕ hiu leh hlăm lu anôk. Mơ̆ng phung mâo klei ruă anei, êpul bruă djŏ tuôm lŏ hmao ƀuh 3 čô hlăm F1 test pral mâo kman. Djŏ tuôm hŏng anôk mâo klei ruă tưp ti Êa kao hmao ƀuh mơ̆ng hrue 28/9 leh êgao, êpul bruă djŏ tuôm mkă dlăng leh pral gưl tal 3 kơ jih jang phung ƀuôn sang ƀuôn Tơ̆ng Jŭ, lehanăn lŏ mâo thiăm 22 čô mnuih mâo kman sar Cov 2./.

Pô mblang: Y-Ƀel Êban