VOV4.Êđê- Mơ̆ng 12h hruê 6/8, ƀuôn prŏng Gia Nghĩa, čar Dak Nông mjưh ruê̆ leh hdră bi ktlah yang ƀuôn hluê si Asăp mtrŭn mrô 16 mơ̆ng Khua knŭk kna, srăng hluê ngă Asăp mtrŭn mrô 15 kñăm gang mkhư̆ klei ruă Covid 19. Hlăm 14 hruê hluê ngă asăp mtrŭn kwang dar, ƀuôn prŏng Gia Nghĩa amâo lŏ mâo mnuih djŏ kman Sar CoV2 mrâo ti êpul êya. Mnuih ƀuôn sang dôk ti dŭm anôk bluh mâo klei ruă dưi mă mta ksiêm dlăng mâo boh tŭ amâo ƀuh kman.

Khă snăn, ti anăp klei mâo dleh dưi ksiêm dlăng mơ̆ng klei ruă tưp, klei tưp lar huĭ srăng lŏ mâo, ƀuôn prŏng ăt krơ̆ng kjăp 5 anôk gak răng ti dŭm ktuê êlan prŏng nao mŭt hlăm wăl krah. Dŭm anôk čhĭ mnơ̆ng ƀơ̆ng brei pŏk ƀăng ƀiădah knŏng dưi čhĭ ba wĭt. Ƀuôn prŏng lŏ dơ̆ng mdei jih hdră bi kƀĭn, dŭm bruă ngă mâo êbeh 20 čô mnuih hlăm sa adŭ. Êngao kơ anôk bruă knŭk kna, sang hră, sang êa drao gŭn amâo dôk lu mnuih êgao kơ 10 čô kơ dlông, mdei jih hdră bi kƀĭn, kkuh mpŭ mâo mơ̆ng 20 čô mnuih kơ dlông./.

Pô mblang: H’Nêč Êñuôl