VOV4.Êđê – Leh 3 hruê kăm nao ngă bruă, yap truh kơ tlam mbruê (30/7), Sang êa drao jing jai mrô 3 ƀuôn prŏng Hồ Chí Minh (ti anôk lŏ wĭt dôk Bình Khánh, ƀuôn hgŭm An Khánh, ƀuôn prŏng Thủ Đức) mkŏ mjing leh bruă brei 1.800 čô mnuih ruă dưi wĭt kơ pưk sang kyua mdrao hlao leh klei ruă tưp Covid-19. Aê mdrao thơ̆ng kơ bruă Lý Quốc Công, khua anôk mdrao Lâm Sàng, sang êa drao jing jai mrô 3 brei thâo, ară anei săng êa drao dôk mâo 20 čô mnuih ruă dôk dŏng mdrao, êwa hŏng masin oxy. Phung êa mdrao dôk jih ai tiê mdrao kơ phung mnuih ruă anei, tơdah  truh kjham srăng ba nao ti gưl mdrao kơ dlông hĭn. Jih bruă bruă ksiêm mkă, đăo knăl ngă djŏ hŏng klei bhiăn mơ̆ng phŭn bruă mdrao mgŭn. Ti ƀuôn prŏng Hồ Chí Minh, grăp hruê mâo dŭm êbâo čô mnuih ruă dưi mdrao hlao lehanăn dưi wĭt kơ pưk sang. Tui si anôk bruă ksiêm dlăn klei ruă tưp ƀuôn prŏng Hồ Chí Minh, hlăm hruê 29/7, lŏ mâo thiăm 3.131 čô mnuih ruă dưi mdrao hlao, mđĭ ênoh mnuih dưi mdrao hlao klei ruă tưp mơ̆ng hruê klei ruă bluh đĭ jing 28.320 čô mnuih.

Y Ƀel pô mblang