VOV4.Êđê- Mơ̆ng hruê 1-7, kah knar grăp hruê Ƀuôn prŏng Hồ Chí Minh  mâo  1.305 čô mnuih djŏ klei ruă, lu jing hlăm wăl bi ktlah hjăn, kwang dar. Khădah, bruă mdrao mgŭn ăt ƀuh lu mnuih hlăm bruă ksiêm mkă ktuê dlăng hlăm êpul êya leh anăn hlăm klei ksiêm mkă ti sang êa drao. Ară anei, Ƀuôn prŏng Hồ Chí Minh maoa giăm 250 čô dôk bi êwa hŏng masin leh anăn 7 čô yua ECMO. Kơ klei bi ktlah hjăn, êngao kơ 14 wăl bi ktlah hjăn phung F1 mâo leh, Ƀuôn prŏng Hồ Chí Minh  mkŏ mjing thiăm 88 wăl bi ktlah hjăn hŏng hnơ̆ng 10 êbâo jhưng đih leh anăn 55 sang jưh hŏng hnơ̆ng dưi mgơ̆ng 4000 čô čiăng bi ktlah F1. Knơ̆ng bruă sang čư̆ êa ƀuôn prŏng mâo leh hră mơar brei mdei ngă bruă hlăm dŭm anôk bruă duh mkra amâo rơ̆ng gang mkhư̆ klei ruă tưp mơ̆ng hruê 15-7. Ară anei mâo 216 anôk bruă mnia blei čih anăn bi ktlah hjăn êjai mkra mjing êjai, hlăm anăn mâo 205 anôk bruă dôk pŏk ngă.

Pô mblang: H’Zawut Ƀuôn Yă