VOV4.Êđê - Leh 2 hruê mjêč mprăp, aguah hruê 19-6, ƀuôn prŏng Hồ Chí Minh mphŭn pŏk ngă hdră tlŏ mgang vaccin Covid-19 prŏng hĭn mơ̆ng êlâo truh ară anei. Anei jing hnơ̆ng vačin 836.000 aruăt dưi mâo knŭk kna mbha kơ ƀuôn prŏng Hồ Chí Minh. Ƀuôn prŏng Hồ Chí Minh srăng mkŏ mjing srăng mkŏ mjing tlŏ vaccin 836.000 aruăt hlăm wưng mơ̆ng 5-7 hruê, mphŭn mơ̆ng hruê 19-6, mphŭn mơ̆ng hruê 19-6, hŏng hnơ̆ng 1000 anôk tlŏ. Ƀuôn prŏng srăng ba nao jih jang êpul mơ̆ng dŭm anôk bruă hlăm Phŭn bruă mdrao mgŭn hlăm ƀuôn prŏng Hồ Chí Minh, dŭm boh sang êa drao prŏng ƀuôn prŏng, quận, kdriêk, dŭm anôk bruă êngao knŭk kna, anôk bruă mdrao mgŭn… čiăng ngă djŏ hnơ̆ng kčah leh. Ară anei Knơ̆ng bruă mdrao mgŭn mkŏ mjing hlăm brô 500 êpul tlŏ ti dŭm boh sang êa drao prŏng, anôk bruă mdrao mgŭn, srăng mprăp kdrăp mnơ̆ng čiăng pŏk ngă klei tlŏ mgang kơ phung dưi tlŏ tui si klei kčah mtrŭn. Ƀuôn prŏng Hồ Chí Minh ăt dôk mkŏ mjing klei hriăm mjuăt rơ̆ng êđăp ênang tlŏ mgang kơ phung nao tlŏ kơ mnuih ƀuôn sang.

H Zawut pô mblang