VOV4.Êđê- Ti ƀăng jang knông lăn Pu Prăng (să Quảng Trực, kdriêk Tuy Đức, čar Dak Nông), Knơ̆ng bruă sang čư̆ êa čar Dak Lak mkŏ mjing leh klei mđup brei prăk, mnơ̆ng ƀơ̆ng hhuă, kdrăp mnơ̆ng đru kơ čar Mondulkiri (Ala mtao Campuchia) gang mkhư̆ klei ruă Covid-19. Gưl anei, knuă druh, lĭng kahan čar Dak lak mđup brei kjơ čar Mondulkiri 2 êtuh êklăk prăk, 5 ton braih, 3 êtuh thŭng ƀung hdang krô, 3 êbâo blah čhiăm guôm ƀô, 150 hnư mnơ̆ng mâo mnơ̆ng yua aguah tlam, êa rao kngan mdjiê kman.

Ƀri gưl anei, Anôk bruă gĭt gai lĭng kahan čar Dak Lak ăt mđup brei 2 ton braih, lu mta mnơ̆ng dhơ̆ng, êa rao mdjiê kman, čhiăm guôm ƀô̆… hŏng ênoh êbeh 100 ekelăk prăk mđup brei Anôk bruă lĭng kahan čar Mondulkiri, Êpul kahan 1, Êpul lĭng kahan ala mtao Campuchia; Êpul êdam êra Cộng sản Hồ Chí Minh čar Dak lak mđup brei kơ phung êdam êra čar Mondulkiri 10.000 blah čhiăm guôm ƀô̆.

Pô mblang: H’Zawut Ƀuôn Yă