VOV4.Êđê- Aguah hruê 24/8, Anôk gĭt gai Klei bi kƀĭn trông kreh knhâo gưl ala čar Bi hdơr 110 thŭn Hruê kkiêng Đại tướng Võ Nguyên Giáp nao čuh leh brui mngưi, čuă msat Đại tướng Võ Nguyên Giáp ti Vũng Chùa - Đảo Yến, să Quảng Đông, kdriêk Quảng Trạch, čar Quảng Bình.

Hlăm ai êwa mpŭ, phung bi ala nao dưm leh kwang mnga, čuh brui mngưi lehanăn pioh mnĭt mmông bi êdah klei mpŭ, hdơr kngan prŏng prĭn kơ dŭm klei đru mguôp mơ̆ng Đại tướng Võ Nguyên Giáp – sa čô khua kiă kriê prŏng mâo k’hưm êdi mơ̆ng Đảng, Knŭk kna lehanăn mnuih ƀuôn sang drei.

Ƀri gưl anei, Anôk gĭt gai Klei bi kƀĭn trông kreh knhâo gưl ala čar Bi hdơr 110 thŭn Hruê kkiêng Đại tướng Võ Nguyên Giáp nao čuh leh brui mngưi nao čuă Đại tướng ti Sang bi hdơr kơ Đại tướng Võ Nguyên Giáp ti să Lộc Thủy, kdriêk Lệ Thủy, čar Quảng Bình; Nao čuă lehanăn mđup brei mnơ̆ng kơ gŏ sang knŭk kna dlăng ba ti čar Quảng Bình. Phŭn bruă lĭng kahan ăt jao kdrăp phần mềm lehanăn kdrăp ksiêm dlăng 3D kơ klei hdĭp lehanăn hdră mă bruă mơ̆ng Đại tướng Võ Nguyên Giáp kơ čar Quảng Bình./.

                                                    Pô mblang: H’Nêč Êñuôl