VOV4.Êđê- Ti Đà Nẵng, leh 1 hruê kăm mkŏ mjing hdră mtô bi hriăm klă anăp kơ phung hđeh adŭ 12, rơ̆ng kjăp hdră gang mkhư̆ klei ruă tưp, hruê 29/11, hđeh adŭ 10 lehanăn 11 ti ƀuôn prŏng anei lŏ nao leh sang hră. Ênoh hđeh adŭ 10 lehanăn 11 lu kyua anăn dŭm boh sang hră gưl 3 ti ƀuôn prŏng Đà Nẵng pral pŏk hdră gang mkhư̆, mdrơ̆ng hŏng klei ruă tưp Covid 19. Êlâo anăn, čiăng mprăp kơ bruă mtô bi hriăm klă anăp, jih jang sang hră mkŏ mjing leh Anôk bruă gang mkhư̆ klei ruă Covid 19 lehanăn Êpul bruă êđăp ênang hŏng Covid 19, mkŏ mjing adŭ bi ktlah hjăn, mprăp hdră msir mgaih tơdah tăm mâo phung hđeh đing djŏ kman SARS-CoV-2.  Truh ară anei, ƀuôn prŏng Đà Nẵng bi leh tlŏ 2 aruăt vaccine gang mkhư̆ Covid 19 kơ phung hđeh hriăm hră gưl 3. Anei jing bruă yuôm bhăn kñăm răng mgang phung hđeh tơdah lŏ wĭt nao sang hră hlăk klei ruă tưp dôk bluh mâo ăt dleh dưi ksiêm dlăng./.

Pô mblang: H’Nêč Êñuôl