VOV4.Êđê - Tlam mbruê (6/7), êpul kahan ksiêm mniê čar Dak Lak hrăm mbĭt leh hŏng dŭm čô mâo ai tiê kmah ti ƀuôn prŏng Ƀuôn Ama Thuôt, mkŏ mjing klei bi mguôp 20 tôn mnơ̆ng dhơ̆ng msĕ si: djam mtam, braih, boh kroh… ba kơ ƀuôn prŏng Hồ Chí Minh čiăng đru kơ dŭm čô mnuih ƀuôn sang dôk hlăm anôk bi ktlah, čuăl krĭng kyua klei ruă tưp Covid-19. 20 tôn mnơ̆ng dhơ̆ng anei srăng dưi ba truh ti sang êa drao lĭng kahan ti kdiêk čar Gò Vấp lehanăn dŭm sang tŭk knă klei khăp hlăm dŭm anôk bi ktlah, čuăl krĭng ti ƀuôn prŏng Hồ Chí Minh.

Hlăm anôk mnia mblei prŏng Bình Điền kđăl băng kyua lŏ wĭt ngă bruă gang mkhư̆ klei ruă tưp. Phung amai adei hlăm êpul kahan ksiêm čar Dak Lak lehanăn dŭm čô mâo ai tiê kmah mâo klei hmăng hmưi, khădah jing bruă bi mguôp điêt, ƀiădah dưi mđĭ ai mnuih ƀuôn sang ti ƀuôn prŏng Hồ Chí Minh dưi găn klei dleh dlan. Hruê mmông kơ anăp, êpul kahan ksiêm phung mniê čar Dak Lak ăt lŏ srăng đru mnơ̆ng dhơ̆ng kơ dŭm anôk bi ktlah, cuăl krĭng ti ƀuôn prŏng Hồ Chí Minh.

Y Ƀel pô mblang