VOV4.Êđê - Hruê mbruê 16/11, aê mdrao Trần Thuận – khua kiă kriê anôk bruă mdrao mgŭn kdriêk Krông Ƀŭk, čar Dak Lak brei thâo, hlăm alŭ wăl mrâo čih yap 6 čô knuă druh dôk mă bruă hlăm bruă sang čư êa kriêk Krông Bŭk hlăm klei ksiêm mkă hmar mâo kman SARS-CoV-2. Hlăm anăn mâo 5 čô dôk mă bruă hlăm adŭ bruă ngăn dŏ leh anăn wăl hdĭp mda kdriêk Krông Ƀŭk mâo kman SARS-CoV-2.

Leh mâo klei hưn mthâo anei, anôk bruă mdrao mgŭn kdiêk Krông Ƀŭk ngă leh bruă tui duah, mă mta ksiêm mkă kman kơ phung djŏ tuôm. Čiăng rơ̆ng kơ bruă gang mkhư̆ klei ruă tưp Covid-19, êpul êya ngă bruă dôk kwang dar êjai anôk bruă sang čư̆ êa kdriêk Krông Ƀŭk djŏ tuôm hŏng dŭm čô mâo klei ruă tưp Covid-19. Phung F1 dưi ba bi ktlah djŏ hŏng klei bhiăn. Yap truh kơ yang hruê dơ̆ng mbruê, čar Dak Lak mâo 6.154 čô mâo klei ruă tưp Covid-19, hlăm anăn mdrao hlao leh anăn wĭt kơ pưk sang mâo 3.493 čô mnuih ruă.

Y-Ƀel pô mblang