VOV4.Êđê – Êpul êdam êra Ƀuôn prŏng Ƀuôn Ama Thuôt srăng pŏk ngă gưl êdeh mđup brei mnơ̆ng yua aguah tlam truh ti sang čiăng đru kơ phung ƀuh ti dŭm să, ƀuôn hgŭm ti ƀuôn prŏng Ƀuôn Ama Thuôt, čar Dak Lak, mphŭn mơ̆ng hruê 31/7.

Hluê su anôk mkŏ mjing, hdră srăng pŏk ngă truh jih hruê 7-8 kơ anăp, mbha 5 gưl ti 10 să, ƀuôn hgŭm ti ƀuôn prŏng Ƀuôn Ama Thuôt, čar Dak Lak. Mĭn tĭng srăng mđup brei 1000 hnư mnơ̆ng kơ mnuih ƀuôn mâo klei hdĭp dleh dlan msĕ si gŏ êsei ƀuh, phung dôk hjăn păn, amâo jăk asei mlei, mâo klei ruă kjham, amâo mâo bruă mă amâodah prăk hrui wĭt amâo hơĭt kjăp. Grăp hnư mâo 5 kg braih, êa msĭn, ƀêñ hra, djam tam, hbei, boh kroh,…

H Zawut pô mblang