VOV4.Êđê - Hruê 16-8, Sang êa drao krĭng lăn Dap Kngư, čar Dak Lak bi leh bi mlih klei ba yua leh anăn ba anôk mdrao klei ruă tưp ti sang êa drao jing tal knhal tuič hlăm hdră tŭ jum, mdrao kơ mnuih ruă Covid-19. Bruă ba wăl mdrao mgŭn anei, srăng đru čar Dak Lak mdrơ̆ng jăk hŏng klei ruă Covid-19 dôk mâo dleh ktuê dlăng, đru kơ dŭm čar riêng gah msir mgaih phung ruă jham tơdah mâo.

Hluê anăn, Sang êa drao krĭng Lăn Dap Kngư ba yua Anôk mdrao klei ruă tưp leh anăn Anôk mdrao, bi mbŏ mnơ̆ng tŭ jăk čiăng mjing wăl mdrao kơ mnuih ruă Covid-19 kjham hlăm krĭng wăl Lăn Dap Kngư. Wăl mdrao anei mâo 200 boh jhưng đih mdrao, êlâo hĭn ba yua 20 boh jhưng. Phung ruă Covid-19 dưi ba hlăm wăl mdrao mgŭn hŏng êlan hjăn, mâo kdrăp mgang bi krĭp rơ̆ng êđăp ênang kơ Sang êa drao.  Ară anei sang êa drao mprăp djăp ênŭm kdrăp mnơ̆ng, masin kơ 20 boh jhưng mdrao kơ phung kjham êdi mâo masin bi êwa, masin kar êrah, kdrăp ktuê dlăng klei suaih pral mnuih ruă.

H Zawut pô mblang