VOV4.Êđê - Hluê si klei hưn mơ̆ng Anôk ksiêm dlăng klei ruă tưp čar Dak Lak, ti wăl krah Ƀuôn Hô mrâo mâo 8 čô djŏ kman Sar CoV2 hlăm anăn mâo sa anôk hmao ƀuh 7 čô ruă. Hlăm 8 čô ruă mrâo hmao ƀuh, mâo 6 čô dôk ti mrô 15 êlan Âu Cơ, ƀuôn hgŭm Đoàn Kết lehanăn 1 čô dôk ti mrô 110 êlan Nguyễn Tất Thành, ƀuôn hgŭm An Bình.

Phung anei djŏ tuôm kơ 1 čô ruă ti ƀuôn hgŭm An Bình. Dŭm čô ruă adôk jing phung mgăt êdeh, dôk ti ƀuôn hgŭm Thiện An, ka thâo klă phŭn bi mtưp klei ruă. Hluê hdră ksiêm dlăng, hlăm 8 čô ruă, mâo dŭm čô tuôm nao ti anôk lu mnuih msĕ si sang mnia wăl krah Ƀuôn Hô, knơ̆ng prăk. Pô ruă jing pô mgăt êdeh kreh nao ba mnơ̆ng kơ lu anôk ti wăl krah Ƀuôn Hô, nao lu čar msĕ si Khánh Hòa, Bình Phước, Gia Lai./.

H Nêč pô mblang