VOV4.Êđê -  Tlam hruê 22/8, Lê Thái Dũng – Khua bruă Đảng kdriêk Čư̆ Kuiñ, čar Dak Lak bi mklă: Anôk kiă kriê bruă Đảng kdriêk Čư̆ Kuiñ mkŏ mjing leh klei bi kƀĭn lehanăn bi mklă brei mdei êjai bruă hŏng Khua kiă kriê bruă Đảng să Drai Bhăng Vũ Duy Tấn. Hluê anăn, Vũ Duy Tấn nao msir mghaih bruă hlăm gŏ sang pô ti kdriêk Krông Ana, čar Dak Lak hlăm wưng kluôm kdriêk Čư̆ Kuiñ dôk hluê ngă hdră bi ktlah yang buôn kñăm gang mkhư̆ klei ruă Covid 19 hluê si Asăp mtrŭn mrô 16 mơ̆ng Khua knŭk kna ƀiădah amâo hưn mthâo hŏng phung khua gưl dlông, amâo nao akâo kơ bruă Đảng kdriêk.

Kyua anăn, Anôk kiă kriê bruă Đảng kdriêk Čư̆ Kuiñ brei mdei êjai bruă hŏng Khua kiă kriê bruă Đảng să Drai Bhăng Vũ Duy Tấn, mơ̆ng hruê 21/8. Bruă mă anei dưi jao êjai kơ Mai Văn Tào, k’iăng khua kiă kriê bruă Đảng Dray Bhăng, hlăm wưng Tấn brei mdei bruă êjai mơ̆ng hruê 21/8 truh kơ hbĭl Anôk kiă kriê bruă Đảng kdriêk Čư̆ Kuiñ hluê ngă klei ƀuah mkra, bi mklă klei đua klam mơ̆ng êpul êya, mnuih hlăm boh klei sa čô khua hlăm anôk kiă kriê bruă Đảng amâo hluê ngă kjăp hdră gang mkhư̆ klei ruă tưp./.

H Nêč pô mblang