VOV4.Êđê- Hruê mbruê (21/7), ti anôk bruă kahan ksiêm tui duah ƀuôn prŏng Ƀuôn Ama Thuôt, čar Dak Lak, mâo leh klei bi mklă kčŭt hưn klei ngă soh “Ngă bi tưp lar klei ruă tưp kơ anak mnuih”. Êlâo kơ anăn, hlăk hruê 17/7, êpul gĭt gai bruă gang mkhư̆ klei ruă tưp Covid-19 čar Dak Lak mâo leh klei hưn kơ bruă N.T.H, 36 thŭn, dôk ti alŭ 3, să Čư̆ ÊBur, ƀuôn prŏng Ƀuôn Ama Thuôt, (jing sa čô mă bruă ti sang êdeh Tiến Oanh, mâo anôm ngă bruă ti mrô sang 134 êlan Hai Bà Trưng, ƀuôn hgŭm Thắng Lợi) mâo klei ruă tưp Covid-19.

Tui si klei bi mklă êlâo anăn mơ̆ng dŭm anôk bruă. Ayŏng H tuôm nao ti anôk mâo klei ruă tưp ti ƀuôn prŏng Hồ Chí Minh, truh kơ hruê 10/7 wĭt kơ alŭ wăl ƀiădah amâo ngă ôh bruă hưn mdah klei suaih pral, amâo ngă klei bi ktlah msĕ hŏng klei bhiăn, nao truh kơ lu anôk lehanăn bi tuôm hŏng lu mnuih. Truh kơ ară anei, čar Dak Lak mâo leh 13 čô mnuih mâo klei ruă tưp Covid-19 djŏ tuôm mơ̆ng pô anei, tui si klei jing bruă anei, anôk bruă djŏ tuôm mâo ênŭm leh klei găl kčŭt hưn bruă ngă soh “Bi tưp lar klei ruă tưp kơ anak mnuih.”

Pô mblang: Y-Ƀel Êban