VOV4.Êđê- Hruê mbruê 25/10, čar Dak Lak čih yap mâo 167 čô djŏ kman SARS – Cov-2, hlăm anăn kdriêk Lăk mâo ênoh mnuih ruă lu hĭn hŏng 53 čô, ƀuôn prŏng Ƀuôn Ama Thuôt 52 čô, Krông Ƀuk 28 čô, Krông Ana 26 čô. Ƀuôn prŏng Ƀuôn Ama Thuôt ăt ƀuh lu mnuih ruă hlăm êpul êya. Hjăn hlăm hruê 25/10 mâo truh 42 čô djŏ SARS-Cov-2 hlăm dŭm wăl bi ktlah hjăn.

Hluê si aê mdrao Trịnh Quang Trí – Khua Anôk bruă ksiêm dlăng klei ruă tưp čar Dak Lak (CDC Dak Lak), phung ruă lu jing djŏ tuôm kơ phung wĭt mơ̆ng krĭng mâo klei ruă tưp dŭm čar nah Dhŭng. Bruă mdrao mgŭn hlăk gĭr hiu duah, test pral dŭm êbâo čô mnuih kñăm thâo ƀuh F0 hlăm êpul êya, ñĕ kơ klei ruă tưp lar.

Pô mblang: H’Zawut Ƀuôn Yă