VOV4.Êđê- Ti anăp klei ruă Covid-19 dôk mâo dleh ktuê dlăng, bruă sang hră čar Dak Lak mâo leh dŭm hdră msir čiăng ba 10 čô bi lông ti alŭ wăl nao ti Khánh Hoà bi lông hriăm jih gưl 3 tal 2 thŭn 2021. Hluê si Hdră kčah mơ̆ng Phŭn bruă sang hră mjuăt bi hriăm, klei bi lông hriăm jih gưl 2 thŭn 2021 srăng mkŏ mjing hlăm hruê 5 leh anăn 6/8. Dak Lak mâo 10 čô hđeh bi lông tal 2 anei (hlăm anăn mâo 1 čô hđeh jing F2, 9 čô hlăm wăl bi ktlah hjăn amâo dưi nao bi lông tal 1). Tal 2 anei, phung bi lông Dak Lak srăng bi lông mguôp mbĭt hŏng êpul bi lông čar Khánh Hoà. Knơ̆ng briă sang hră mtô bi hriăm Dak Lak brei thâo, leh mă bruă hŏng Knơ̆ng bruă sang hră mtô bi hriăm Khánh Hoà čiăng tŭ jum phung hđeh, knơ̆ng bruă mâo leh dŭm hdră dăp êdeh atăt ba, anôk đih đăm huă ƀơ̆ng kơ phung hđeh bi lông tal 2 čiăng rơ̆ng êđăp ênang, boh nik hlăm boh klei ruă tưp dleh ktuê dlăng ti Dak Lak leh anăn Khánh Hoà.

Pô mblang: H’Zawut Ƀuôn Yă