VOV4.Êđê - Anôk bruă sang čư̆ êa dŭm să krĭng knông lăn mơ̆ng čar Dak Lak mâo: Ia R’vê, Ia Lôp, Êa Bung kdriêk Êa Sup lehanăn să Krông Ana, kdriêk Ƀuôn Đon mrâo bi hgŭm hŏng Kđông kahan răng mgang knông lăn jưh ti alŭ wăl mkŏ mjing knăm mtrŭt mjhar hdră bruă ‘’Jih jang mnuih ƀuôn sang nao hgŭm hlăm hdră gang mkhư̆ klei ruă Covid 19 lehanăn klei tlĕ mŭt hlăm ala čar soh hdră bhiăn’’. Hluê anăn, bi ala Anôk bruă čŏng kriê dlăng mơ̆ng 51 alŭ, ƀuôn hlăm 4 să knông lăn klă leh klei ƀuăn nao hgŭm hlăm hdră anei mâo dŭm mta bruă msĕ si: Mtô mblang, mtrŭt mjhar mnuih ƀuôn sang, mnuih hgŭm hlăm êpul hluê ngă kjăp hdră êlan mtrŭn, hdră bhiăn mơ̆ng Đảng, knŭk kna, klei kčah mtrŭn mơ̆ng alŭ wăl, boh nik hdră bhiăn kơ hdră kriê dlăng, răng mgang êlan knông lăn ala čar, klei kčah mtrŭn kơ hdră gang mkhư̆ klei ruă Covid 19. Jih jang gŏ êsei mnuih ƀuôn sang ƀuăn srăng hluê ngă kjăp Hdră bhiăn knông lăn ala čar, hluê ngă jăk asăp mtrŭn, klei mtrâo lač mơ̆ng gưl dlông kơ hdră gang mkhư̆ klei ruă Covid 19, hluê ngă kjăp bruă hưn mthâo klei suaih pral, amâo bi kƀĭn lu mnuih./.

H Nêč pô mblang