VOV4.Êđê- Hŏng klei hrăm mbĭt mơ̆ng lu êpul êya, êpul bruă Đoàn lehanăn mnuih ƀuôn sang, hlăm dŭm hruê leh êgao, dhar bruă mặt trận čar Dak Lak dưi bi mguôp leh giăm 200 tôn djam mtam dŭm mta, ba mơĭt kơ ƀuôn prŏng Hồ Chí Minh čiăng đru kơ mnuih ƀuôn sang dôk hlăm anôk mâo klei ruă tưp.

Hŏng bruă bi mguôp hlăm mbah internet facebook, amâo djŏ knŏng hjan mnuih ƀuôn sang ti čar Dak Lak ƀiădah lŏ mâo lŭ pô đang djam ti čar Lâm Đồng đru mbĭt hŏng anăn. Aduôn H’Kim Hoa Byă, khua êpul đru čung ba mnuih ƀuôn sang mơ̆ng Đảng čar, khua kiă kriê dhar bruă mặt trận čar Dak Lak brei thâo, 1 hruê kăm êgao, bruă mặt trận dưi iêu mkrum mâo leh giăm 200 tôn djam mtam dŭm mta.

Dŭm mta djam anei srăng dưi ba mklin sa anôk, mă hĕ dŭm aruăt djam leh jhat lehanăn ba mơĭt kơ ƀuôn prŏng Hồ Chí Minh. Dŭm boh êdeh mdiăng djam mtam wăt kơ klei khăp mơ̆ng mnuih ƀuôn sang čar Dak lak čiăng hrăm mbĭt hŏng ala čar bi mjưh klei ruă tưp.

Pô mblang: Y-Ƀel Êban