VOV4.Êđê- Ti anăp klei dleh dưi ksiêm dlăng mơ̆ng klei ruă tưp Covid-19, čar Dak Lak bi klă mtrŭt bi hmar bruă tlŏ mgang aruăt vaccine tal 3, bi leh hlăm wưng tlâo mlan tal 1 thŭn anei. Hluê si Trịnh Quang Trí, khua kiă kriê anôk bruă ksiêm dlăng klei ruă tưp čar Dak Lak, ară anei čar Dak Lak mrâo mâo phŭn bruă mdrao mgŭn mkăp brei 300 êbâo hnơ̆ng Việt Nam gang mkhư̆ klei ruă tưp Covid-19.

Čiăng rơ̆ng kơ jih jang mnuih ƀuôn sang mơ̆ng 18 thŭn kơ dlông dưi mâo aruăt tal 3, čar Dak Lak čiăng êbeh 1 êklăk 200 êbâo hnơ̆ng vaccine. Hluê si ênoh vaccine dưi mkăp brei, čar Dak Lak srăng tlŏ mgang tal êlâo hĭn kơ phung ngă bruă gang mkhư̆ klei ruă tưp Covid-19, phung mơ̆ng 50 thŭn kơ dlông, phung mâo klei ruă êlâo leh anăn dŭm êpul mâo klei hyưt mkăn. Vaccine aruăt tal 3 jing mta vaccine msĕ hŏng 2 aruăt tlŏ êlâo anăn.

Pô mblang: Y-Ƀel Êban