VOV4.Êđê- Ho\ng klei g^r jih ai tiê ngă klei pô khăp ]ia\ng, lu phung êdam êra ti ]ar Dak Lak mphu\n ]o# kơ bruă tu\ jing ho\ng du\m mnơ\ng dhơ\ng mâo klei găl mơ\ng alu\ wa\l. Du\m klei tu\ dưn anei đru ba leh klei mđ^ ai tiê kơ lu phung êdam êra mkăn, đru kơ hdră phung êdam êra mphu\n ]o# kơ bruă ti alu\ wa\l lar bra lu anôk.

Êdei 3 thu\n nao hlăm klei bi mnia mblei, du\m mta mnơ\ng mơ\ng knơ\ng bruă Cổ phần Damaca Nguyên Phương mâo knuih k’hưm h’^t kjăp. Asa\r măc ca [hu krô alôk kl^t mơ\ng knơ\ng bruă dưi ba nao kơ du\m boh [uôn pro\ng lehana\n ba ]h^ kơ Canađa lehana\n Đài Loan. Adu\ bruă Knơ\ng bruă dôk ti să Phú Lộc, kdriêk Krông Hnang, ]ar Dak Lak mâo Nguyễn Thị Thu Phương k’kiêng thu\n 1992 ngă khua knơ\ng bruă, jing gru mnga] kơ phung hlăk ai k]o# bruă mă ho\ng klei thâo m^n ti ]ar Dak Lak.

            Tu\ jing mơ\ng klei bi lông K]o# kơ bruă mă, bruă mnia mblei ]ar Dak Lak thu\n 2018 jing pô êdah kdlưn, knơ\ng bruă Cổ phần Damaca Nguyên Phương dưi bi liê ho\ng hdră ênuk mrâo mrang, sa hnơ\ng, mđing dlăng mlih mrâo knhuah siam mta mnơ\ng mâo. Boh nik gơ\, ti gưl bi lông knhal tui] Shark Tank Việt Nam 3 thu\n ho\ng anei, amai Phương đru mguôp tu\ jing 5 êklai prăk kơ 36% cổ phần mơ\ng knơ\ng bruă. Ara\ anei, ênoh prăk mâo mơ\ng knơ\ng bruă truh 4 êklai prăk, ênoh hrui w^t mơ\ng 442 êklăk prăk (thu\n 2016) truh êbeh 5 êklai prăk hlăk thu\n 2018 lehana\n hluê si t^ng srăng mâo hlăm brô 8 êklai prăk hlăm knhal jih thu\n anei, prăk mnga truh 20% ênoh hrui w^t. Knơ\ng bruă ăt hlăk mjing bruă mă lehana\n hnư hrui w^t h’^t kjăp kơ 20 ]ô mnuih ngă bruă alu\ wa\l.

            Yăl dliê kơ klei k]o# kơ bruă mă, amai Nguyễn Thị Thu Phương brei thâo; hlăm brô thu\n 2016, asa\r mắc ca ka juăt mưng ôh ho\ng anôk mnia mblei ti Việt Nam, sơnăn du\m phung ba ana\p pla mta ana anei pătdah ka mâo ôh anôk ba ]h^ h’^t kjăp. Mb^t ho\ng ana\n, ti Việt Nam ka mâo ôh máy yua mkra mjing mắc ca, kyua ana\n leh mphu\n dơ\ng brua\ ho\ng asa\r mắc ca, amai Phương ]o\ng hiu duah máy ]ia\ng mkra mjing, alôk asa\r mắc ca. Máy móc ka sa hnơ\ng, ka mâo klei thâo pla mjing sơnăn asa\r mắc ca amâo djăp hnơ\ng ]ua\n mse\ si klei ]ia\ng ôh, lui] liê lu. Lui] 1 thu\n ksiêm duah lehana\n amâo mâo ba w^t boh mnga, knhal jih thu\n 2016, amai Phương mkra mjing tu\ jing asa\r mắc ca [hu krô lehana\n ba ]h^ mnia:

“Asa\r mắc ca jing mta mnơ\ng mơ\ng alu\ wa\l. ~u jing mta mnơ\ng mrâo [ia\dah mâo klei găl đ^ kyar pro\ng pr^n lehana\n mâo lu mnuih tu\ mă, amâo djo\ kno\ng hla\m Việt Nam đui] ôh, [ia\dah hlăm dlông ro\ng lăn. Kyua ana\n, kâo bi m^n drei k]o# bruă mă hluê hdră pla mjing 1 mta mnơ\ng jăk kơ mnuih blei yua, boh nik gơ\ 3 thu\n mrâo êgao ngă bruă mâo mnuih [uôn sang tu\ mă sơnăn kâo bi m^n ana\n jing 1 mta mnơ\ng mâo klei găl”.

Amai Nguyễn Thị Thu Phương leh anăn mnơ\ng dhơ\ng mak ka ti knưng rang mdah mnơ\ng

            Ăt g^r ktưn ngă bruă đ^ hriê kơ sah mdro\ng hlăm lăn kr^ng [uôn sang, ayo\ng Hoàng Văn Tiến, k’kiêng thu\n 1991 ti să }ư\ Kpô, kdriêk Krông {u\k, ]ar Dak Lak ruah mă bruă rông mnơ\ng pioh dlăng siam, asâo pioh dlăng siam ]ia\ng mko\ mjing bruă mă kơ pô. Ayo\ng Hoàng Văn Tiến brei thâo, [uh klă klei ]ia\ng kơ mnơ\ng pioh dlăng siam, boh nik gơ\ asâo pioh dlăng siam mơ\ng mnuih [uôn sang hlăm kluôm ala [rư\ hruê [rư\ đ^, `u lehana\n du\m ]ô [^ng găp mguôp mb^t mko\ mjing Êpul bruă hgu\m Rông mnơ\ng Hoàng Gia dôk ti să }ư\ Kpô, kdriêk Krông {u\k. Ho\ng lu mta bruă ngă mse\ si: rông mnơ\ng, ]h^ mnia asâo miêu, ]h^ mnia mnơ\ng [ơ\ng kơ mnơ\ng rông, tu\ mă mnơ\ng m’^t, bi mnei, spa khăt mlâo bi msiam, mdrao klei ruă êngao kl^t, bi mdjuê mjeh, mdrao klei ruă kơ asâo, miêu, phim rup kơ asâo miêu….. Anei dưi dlăng Êpul bruă hgu\m tal êlâo mơ\ng ]ar Dak Lak ngă bruă anei. Êpul bruă hgu\m mâo 7 ]ô mnuih, ênoh prăk mâo 1 êklai 500 êklăk prăk, ho\ng hlăm brô 200 drei asâo pioh dlăng siam djăp mta hlăm 8 djuê asâo ala ta] êngao hing ang mse\ si Alaska, Husky, Poodle, Pug, Bulldog…

            Hlăm klei ngă bruă, Êpul bruă hgu\m po\k 2 anôk ]h^ mnia ti [uôn pro\ng Hồ Chí Minh lehana\n Cần Thơ, mtô bi hriăm amâo mă prăk kơ 15 ]ô mnuih kơ bruă rông mnơ\ng, bi msiam asâo miêu, kriê dlăng mdrao mgu\n klei ruă kơ asâo miêu. Lu phung [^ng găp êdei kơnăn ]o\ng po\k anôk rông, anôk ]h^ asâo miêu kreh ngă bruă ti du\m anôk ]h^ asâo miêu pioh dlăng siam ti du\m boh [uôn pro\ng. Yăl dliê kơ hdră mđ^ kyar mơ\ng êpul bruă hgu\m ana\p truh, ayo\ng Tiến brei thâo srăng po\k ngă mko\ mjing êpul bruă hgu\m jing 1 anôk ]h^ mnia asâo miêu pioh dlăng mâo knuih k’hưm hlăm kluôm ala:

“Hlăm klei rông pô ksiêm dlăng, bi mje\ ho\ng phung thâo h^n kơ bruă rông asâo, miêu pioh dlăng, digơ\ [uh pô mâo klei hur har, mâo klei khăp ]ia\ng, mâo klei hma\ng hmưi sơnăn lu mnuih đru kâo hlăm klei rông asâo miêu pioh dlăng anei. Bruă ngă ana\p truh mơ\ng êpul bruă hgu\m Hoàng Gia ana\n jing g^r ktưn mjing ]ar Dak Lak jing 1 anôk bi mdjuê mjeh asâo miêu pioh dlăng hing ang h^n Việt Nam”.

Ayo\ng Hoàng Văn tiến ( nah điâo) nao hlăm klei bi lông asâo pioh dlăng, mnơ\ng rông leh anăn mâo mă klei pah mni mrô sa

            Truh kơ ara\ anei ]ar Dak Lak mâo 9 êpul bruă hgu\m phung hlăk ai lehana\n 134 êpul hgu\m phung hlăk ai dưi mko\ mjing. Du\m êpul bruă hgu\m, êpul hgu\m anei k[^n lu đoàn viên hlăk ai hrăm mb^t đru mguôp prăk mko\ mjing gru hmô bruă duh mkra djo\ guôp ho\ng klei găl mơ\ng alu\ wa\l, đru mguôp mđ^ kyar bruă duh mkra go\ êsei, mb^t ana\n msir mghaih bruă mă kơ lu phung hlăk ai kr^ng [uôn sang. Mb^t ho\ng ana\n, hlăm 5 thu\n êgao kluôm ]ar mko\ mjing lehana\n kriê kjăp 45 câu lạc bộ phung hlăk ai k]o# kơ bruă mă lehana\n ngă bruă duh mkra thâo mbruă, mđup brei 38 hnư prăk k]o# bruă mă kơ phung hlăk ai mđ^ kyar bruă duh mkra ho\ng ênoh yuôm 620 êklăk prăk. Ayo\ng Y Lê Pas Tơr, khua Êpul hgu\m phung hlăk ai ]ar Dak Lak la] sơnei; anei jing du\m boh tu\ dưn năng mpu\ mni lehana\n lo\ dơ\ng mđ^ lar hlăm hruê mlan kơ ana\p:

“Lo\ dơ\ng g^r ktưn mđ^ lar jăk bruă ngă mơ\ng du\m êpul êya mơ\ng Êpul hgu\m ăt mse\ mơh bruă ngă mơ\ng du\m ]ô đoàn viên hlăk ai hlăm kluôm ]ar, mđing dlăng kơ lu mnuih, lu phung hlăk ai. Si be\ ngă ]ia\ng mđ^ lar klei găl mơ\ng grăp ]ô phung hlăk ai. }ia\ng dưi ngă bruă anei bi mâo klei pral kdal mơ\ng Êpul hgu\m hlăm bruă thâo klă klei ]ia\ng mơ\ng phung hlăk ai, thâo săng kơ phung hlăk ai, hrăm mb^t ho\ng phung hlăk ai. Mơ\ng ana\n đru hgu\m siă suôr ho\ng klei mâo klă s^t lehana\n klei ]ang hma\ng s^t êdi mơ\ng phung hlăk ai”.

            Ho\ng bruă pô ngă, knơ\ng bruă Đoàn lehana\n Êpul hgu\m phung hlăk ai ]ar Dak Lak jing kdrông mko\ phung hlăk ai mâo klei ]ang hma\ng lehana\n mâo klei g^r ktưn k]o# bruă mă ho\ng du\m êpul bruă mnia mblei, anôk bruă đru mdul prăk, brei ]an prăk du\m hdră bruă đru phung hlăk ai mđ^ kyar bruă duh mkra. Kyua ana\n, hdră bruă k]o# bruă mă phung hlăk ai jho\ng ai tiê k]o# bruă mă, mđ^ kyar bruă duh mkra, ngă bruă đ^ hriê kơ sah mdro\ng ho\ng klei kpă ênuah./.

H'Mrư Ayun mblang