VOV4.Êđê- Lăn dap kngư mŭt leh hlăm yan hjan, khă snăn ti dŭm să hlăm kdriêk knông lăn Êa Sup, čar Dak Lak lu hruê êgao amâo mâo hjan ngă kơ klei thu krô, kƀah êa hĭn mơh mâo dleh dưi ksiêm dlăng. Yan adiê thu krô anei ngă leh êbeh 9 êbâo ha mnơ̆ng pla bhiâo hruê msĕ si ktơr, mdiê, hbei, êtka hmăi djŏ, đa hlŏng luič ti mang.

Hluê si Adŭ bruă Lŏ hma mđĭ kyar krĭng ƀuôn sang kdriêk Êa Sup, ti alŭ wăl thŭn anei yan adiê dleh dưi ksiêm dlăng, akŏ yna hjan lu, leh kơnăn amâo lŏ hjan hlăm sa wưng sui ngă kƀah êa, êbeh 9 êbâo ha mnơ̆ng pla hmăi djŏ, lu jing ti dua să Čư̆ Kbang lehanăn Čư̆ Mlan. Kdriêk čih mkra leh hdră đru kơ mnuih ƀuôn sang hmăi djŏ mơ̆ng klei yan adiê ngă. Kơ wưng sui, alŭ wăl čiăng kơ sa knơ̆ng knơ̆ng êa kñăm bi h’ĭt bruă duh mkra ngă lŏ hma./.

Pô mblang: H’Nêč Êñuôl