VOV4.Êđê - Dŭm čar krĭng Lăn Dap Kngư dôk hlăm yan hjan leh. Ƀiădah ti să Ea Siên, wăl krah Ƀuôn Hồ, čar Dak Lak ăt ka mâo hjan ôh, anôk mkăp êa ăt khuôt êa jih mơh, ngă kơ giăm 2.000 ha ana boh kroh mâo klei hmăi kjham lehanăn êbeh 1.400 gŏ sang amâo mâo êa yua. tui si klei čih yap mơ̆ng bruă sang čư̆ êa să Ea Siên brei ƀuh, yan boh mnga giăm anei, hlăm să mâo 2.000 ha ana boh kroh, hlăm anăn mâo 1.500 ha ana boh sui thŭn msĕ hŏng kphê, tiu, marka, boh êrang lehanăn dŭm dôk jing ana ƀiă hruê msĕ si: mdiê, ktơr êtak lehăn kñĭt triêr.

Tui si bruă sang čư̆ êa să Ea Siên, klei không amâo mâo hjan mâo leh lu thŭn hŏng anei, ƀoh nik hlăm yan bhang. Khădah, klei không amâo mâo hjan ti krah yan hjan msĕ hŏng ară anei jing ƀiă êdi. Klei anei ngă hmăi kjham kơ giăm 2.000 ha ana boh kroh lehanăn êbeh 7.500 čô mnuih ƀuôn sang hlăm să amâo mâo êa yua ôh.

Y Ƀel pô mblang