VOV4.Êđê - Hlăm klei mrâo mơ̆ng êpul gĭt gai bruă gang mkhư̆ klei ruă tưp Covid-19 čar Dak Lak, hruê 22/7, hlăm čar lŏ mâo 10 čô mâo klei ruă tưp Covid-19. Mđĭ ênoh mnuih mâo klei ruă tưp ti čar Dak Lak truh kơ 47 čô. Hlăm 10 čô anăn, mâo 4 čô dôk ti să Ea Bung, kdriêk Ea Soup, jing F1 mơ̆ng pô ruă êlâo anăn ti alŭ wăl anei. Sa čô jing mnuih ruă ti ƀuôn prŏng Ƀuôn Ama Thuôt jing F1 mơ̆ng pô ruă N.T.H mă bruă ti sang êdeh Tiến Oanh, 3 čô mnui ruă dôk ti să Ea Ktur, kdriêk Čư̆ kuiñ, jing dŭm čô F1 mơ̆ng pô ruă êlâo anăn.

Êngao kơ anăn, ti kdriêk Ƀuôn Đon lŏ mâo sa čô mnuih mâo klei ruă tưp Covid-19 jing T.N.B.T, k’kiêng thŭn 2012, ti alŭ 2 să Čuôr Knia, kdriêk Ƀuôn Đon, mâo klei bi knăl mâo klei ruă tưp mrâo wĭt mơ̆ng čar Bình Dương. Ti Kdriêk Krông Bŭk ăt čih yap mâo sa čô mnuih ruă tal êlâo hĭn hŏng klei ruă tưp Covid-19. Pô anei jing V.T.P.K, k’kiêng thŭn 1992, dôk ti ƀuôn Drơ̆ng, să Čư̆ Pơ̆ng, pô anei mrâo wĭt mơ̆ng čar Bình Dương. Sơnăn, truh kơ tlam hruê mbruê 22/7, hlăm čar Dak lak mâo lleh 11/15 kdriêk, wăl krah, ƀuôn prŏng mâo dŭm čô mâo klei ruă tưp Covid-19.

Y Bel pô mblang